الممنوع مرغوبحكمه أو مثل من كلمتين لخصت كلام كتير وحيره اكتر
يمكن سؤال تافه ويمكن البوست لكوا تافه ولكن فعلا السؤال فاجأنى حالا والجمله مصممه تتردد جوايا
هو ليه الممنوع مرغوب؟
هل فضول؟
هل حب تملك؟
هل محاوله من الإنسان إنه يثبت مدى تفوق قدراته؟ يعنى مجرد محاوله لإثبات الذات؟
طيب والفشل .... إيه أثره؟
ليه مش بنفكر فيه قبل ما نفكر فى ا لممنوع؟
ليه بندور على الممنوعات سواء بثقافة مجتمع أو ديانه ونحاول ندور على مخرج لحذفها من قائمة الممنوعات !!؟
هل دى طبيعه بشريه ؟ مممم ممكن .. لا أكيد.. مش عارفه
طيب انا مثلا لو الممنوع المرغوب ده حلم بحاول أفهمنى إنه حلم أكيد بدايق .. بس بحاول أرجع أحدد قدراتى إيه وأعيد تنظيم الحلم لكنى مش بلغيه
لو الممنوع المرغوب إنسان .. بفتكر جزء من أغنية فيلم ظرف طارق ( مستنى إيه إمشى .. الحلم ما نفعشى..فوق من خيالك فوق إنسى بقى وإمشى) وأعرف إن ده الطبيعى زى ما ناس عاوزانى فى حياتها وانا مش عاوزاها ومش حيريحنى وجودهم فى حياتى أكيد لازم أتقبل الوضع البديل
ممممممم أقفل على كدا أفضل
هناك ١١ تعليقًا:
الامثال دى عالم تانى يا بنتى
فيها امثال صح صح وامثال غلط صح وامثال غلط غلط
كل الأسئله اجابتها اه
والانسان الفضولى مش بيفكر فى الفشل لان فضوله بيكون اقوى والفضول طبيعه فى الانسان يعنى
وفيه إطراد بينهم كل ما زاد الفضول زاد الدافع للممنوع
انا بحب الممنوعات وبتحدى فى الحصول عليها وانتى عارفه
انا فاكس ده يا بنتى الصاد كانت زعلانه شويه وماتكتبتش
100 mesa ...
aly anty katbah da waqe3 lan ay 7ad bya3ml al mamno3,,, momkn zy molty asbat llzat w ano t7ada al sa2ed ...
aw momkn 3lshan yesbet lnfso an al mamno3 momkn ykon mar3'ob...
w i think an kolena bna3ml keda ...bs be7dood..w alneya anna nt3alm da sa7 leh w da 3'alt leh bdl mykon da t2led a3ma w 7'alas...
NaryTom
المشكله اننا نعرف هوه ممنوع ليه لو كان بسبب الخوف يبقى نحطمه ولو كان بسبب جهل يبقه نعرفه ولو كان بسبب خطر يبقى الأفضل نبعد
بس انا معاكى ان الفضول طبيعه النفس البشريه وده مش دايما عيب كتير بتكون ميزه برضه على حسب:)
فين الشات يا حااااااااجه
صفاكس
يا ممنوعاتك المرغوبه .. أعتقد ان الموضوع فطرى والدليل اننا من وإحنا صغيرين بنحاول نستكشف كل حاجه وبما فيها الممنوعات زى النار والكهربا وكدا فيه ناس الموضوع ده بيكبر جواهم تبعا لخصائص معينه فى شخصيتهم وتبعا لتربيتهم كمان وفيه ناس الموضوع ده اهلهم بيلغوه عندهم من طفولتهم .. فبيحبوا يمشوا جنب الحيط ... صح الكلام؟
__________________________
ناريمان شعلان
100 مسا على الناس الكويسه يا قمر شاى قهوه نيسكافيه ميلك مش بلاك اى طلبات موجوده وفيه يوبا كمان ;) كرسى للأستاذه يا عم
دى كلامها موزون وعجبتنى جملة التقليد الأعمى دى .. لأن فيه ناس بتعمل كدا فعلا ومش بيفوقوا الا لو اتخبطوا فى حيطه سد إسمها سماتهم الشخصيه ايه ومجتمعهم تقاليده ايه وطبقتهم فى المجتمع عاداتها ايه وايه هى الممنوعات فيها وايه هى المسموحات
إجرى ذاكرى كلوا بدأ وسيبى اليوبا إنتى اتفطمتى من زمان D:
_______________________________
واحده من الناس
صح .. هو ميزه لو حسبنا كل خطوه قبل ما فضولنا يشدنا لاشياء لا تُحمد عُقباها
نورتى البلوج :)
...
حاجات كتير ممكن تكون السبب ممكن حب التجربة اهمها .. ممكن كره الاحساس بعدم الوصول لشيء معين
طبعا المحرمات خارج نطاق الكلام اصلا
لكن فعلا الممنوع مرغوب .ممكن مش عند كل الناس لان الانسان مش نسخه بتطبع من بعضها
لكن علي مستوي كبير جدا المثل بيتحقق
هههههههههاى صح الكلام يا قمر
هو ايه موضوع الكرب صحيح يعنى رزاله
ketchup
أهلا بيك فى البلوك المدحور
فعلا المفروض الممنوع المرغوب بعيد عن المحرمات بس بما ان كلامنا عام يبقى نضم الشواذ اصحاب النفوس المريضه اللى فضولهم عامل سلبى عندهم
:) وانا بوافقك تماما فى كلامك
__________________________
صفا
كيفك ؟ تمام انا عارفه مممممم مين اللى عنده كرب؟ من غير رزاله يعنى
كريب يا شيمو اللى فى كافيتريا تجاره وكان فى حقوق فخمتو ولا نو
اها فخمتو ناريمان قالتلى ان اكيد قاصدك كدا وانا شككت فى الموضوع .. أصل محدش يعرفوا غيرى انا وناريمان وماماهاتنا
الموضوع ذكرى لطيفه خفيفه لذيذ طريفه بينى وبين ناريمان و نرمين " المسيحيه " وبس يا ستى
وحبقى أقولهم وابقى احكيلك الكريب وعمايله هههههههههه إلا انتى بتجيبيه بكام ؟؟ أصلنا متميزين فى بكام دى هههههههههه
إرسال تعليق